Recipe: Molten Chocolate Cake – وصفة المولتن كيك

من الحلويات اللذيذة جداً ومتروووسة كاااكاااو , والدسمة طبعاً . لها عدة أسماء غير المولتن كيك .. بس اللي اشوفة منتشر أكثر شي هنا غير مسمى المولتن هو التشوكلت فوندانت كيك . وبعد منتشر مسمى الـ سوفليه , وهو مسمّى خاطئ لها .. بحاول أسوي السوفليه يوم من الأيام وأتكلم عنه بوقته . المولتن بداخله يكون الشوكولاته سائلة بعكس السوفليه يكون رطب من داخل بس مو سايل . ناهيك على أن السوفليه نستخدم البيض فيه كـ مادة رافعه وما إلى ذلك ..
 الطريقة ماخذها من النت من سنييين وحافظها من كثر ماطبقتها .. تستحق التجربة .

35326819

 
: | المقادير |

 
– أصبع زبدة مقطعة لمكعبات صغيره .
 
– 120 جم شوكولاته غامقة مقطعة لقطع صغيرة .

– 3 بيضات
 
– صفار بيضتين
 
– 4 ملاعق صغيرة طحين

– 4 ملاعق كبار كاكاو بودرة
 
– كاس سكر بودرة ( ممكن تخلونها كاس وربع لو تحبون طعمها حالي أكثر )
 
– رشة ملح

: | الطريقة |

 
أول شي ندهن صحون السيراميك ( الخاصة بالمولتن والسوفليه ) بزبدة دافية ونحطها بالثلاجة على مانسوي خليط المولتن .
 
 
الحين نشغل الفرن على ٣٥٠ ,
في حمام مائي نذوب الزبدة والكاكاو ونحركها لما تذوب وتتجانس مع بعض ,
طبعاً الغرض من تقطيع الزبدة والشوكولاته لقطع صغيرة هو إنها تذوب بشكل أسرع وما تحترق مع طول مدة التذويب .
 
 98068567
 
بعد ما تذوب ننخل عليها الكاكاو مع الملح والسكر ونخلطهم مع بعض .

بعدين نضيف صفار البيض ونحرك زين وبعدها البيض الكامل والطحين ونحرك بس ما نطوّل بالتحريك مجرد يتجانس ونوقف .

الحين نفرغ الخليط في قوالب السوفليه , نعبيها لين ثلاثة أرباع جذي :
 
 
33405001 
 
 
* الكمية تكفي 7 – 8 قوالب متوسطة مثل كذا
 
 
 وندخلها الفرن ,
 
 
نخليها في الفرن حوالي ٢٠ دقيقة تقريبأً مرات تكون أقل ومرات أكثر على حسب الفرن وغير هذا نوعية الشوكولاته بعد ،
مره غيرت نوعية الشوكولاته وخذت معاي ربع ساعه بس .

للإحتياط عشان أعرف الوقت المناسب أدخل قالب واحد الفرن وأعرف جم بتاخذ مني بالضبط بعدها أدخل القوالب الثانيه كلها .

 
– شلون أعرف أنها استوت ؟

لما تكون الأطراف بدت تستوي بس الوسط يلمع شوي ولما ندخل سكين أو عود يطلع وعليه الخليط السائل .
 
الحين نطلعها من الفرن ونخليها تبرد شوي ,
بعدين نفك الأطراف بسكين ونقلبها على صحن ونزينها .

Posted on May 31, 2013, in Recipes and tagged , . Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s